!!** எமது உறவு **!!

இதயம் திறந்து
உயிர் கலந்து
இன்பம் பகிர்ந்து
துன்பம் கலைந்திடும்
காதலா எமது
இல்லையே...

இதயம் உடைந்து
துன்பம் கொண்டு
இன்பம் கலைந்து
உயிர் துறந்ததே
எமது உறவு...

!! ** விடைதெரியா கேள்விகள் **!!

மழைச்சாரலின் தூறலில்
மயிலிரகாய் வருடிச்செல்லும்
உன் நினைவுகள்
காலங்கள் கடந்த போதிலும்
வசந்த காலப் பறவையாய்
என்னைச் சுற்றியே
வட்டமிடுவதுமேனோ.....

செக்கச் சிவந்த செவ்வானத்தில்
தங்கமென ஜொலித்திடும்
கடற்கரையோரத்திலே இருகரம் கோர்த்து
நாம் நடக்கையில் அலை கடல்கள்
பின்னோக்கி ஓடியதுமேனோ....

வெண்பஞ்சு தேகம் கொண்ட
முயல்குட்டிகள் துள்ளியோடுகையில்
உன் கண்களிரண்டும் என் கண்களோடு
சில்மிஷம் செய்ததேனோ...

உன் மூச்சுக் காற்று - என்
மூச்சுக் காற்றோடு கலக்கையில்
என்னுள் உன்னிதயம் படபடத்ததுமேனோ...

நீ என்னோடு பேசுகையில்
மலர்களனைத்தும் நாணத்தில்
தலை சாய்ந்து மெளனபாஷையில்
சஞ்சரிப்பதும் ஏனோ....

என்னுள் விடைதெரியா
பல கேள்விகளுக்கு விடையளிப்பாயா
ஓரே ஓரு பதில் கூறி...

!!** நினைவுப் பூ **!!

காதலின் கல்லறையிலே
மலர்கிறது நினைவுப்
பூ....

பாதங்களை நனைத்துச் செல்லும்
அலைகள் போல்
இதயம் துடித்திடும் பொழுதினில்
வலித்திடும் நினைவுகள்
கண்களை நனைத்துச்
செல்கின்றன....

!!** இதயம் திறக்கிறேன் **!!

நிலவு தேய்கையில்
நானும் தேய்கிறேன்
உன் நினைவோடு...

பூக்கள் மலர்கையில்
நானும் மலர்கின்றேன்
உன் புன்னகையோடு...

கண்கள் மூடுகையில்
இதயம் திறக்கின்றேன்
உன் கனவோடு....

!!** இருவிழியினிலே **!!

உன் இருவிழியினிலே
தொலைத்திட்ட என்
பார்வையை மீட்டிட முடியாமல் - உன்
இதயத்தினிலே குடியிருக்கிறேன்
நான்....

என் உயிரை இசை
மீட்டுவாயா நீ
உன் இதயம் கொண்டு....

!!** இன்ப புதையல் **!!

இரவை நிலவு தரிசிக்கையில்
இதயத்தை ஆக்கிரமித்திடும் - உன்
இனிய நினைவுகள்
இன்ப புதையல் எனக்கு

!!** மாறியது ஏன் **!!

கண்கள் கண்டதால்
காதல் கொண்ட
நெஞ்சமல்ல எமது..
இதயம் கலந்ததால் உயிர்
மாறிய உறவு எமது....

இதயத்துக்குள் நுழைந்திட்ட
உன்னால் மட்டுமே உயிரையும்
வாங்கிச் செல்ல முடிகின்றது
இலவச இணைப்பாய்..!

உன் அன்பினால் துடிதுடித்த இதயம்
உன் பிரிவினால் துடிப்பதை மறந்து
இரத்தம் சிந்துகிறது...

இன்பம் துன்பம் கண்ணீர் கலகலப்பு
அனைத்தும் வாழ்க்கைச் சக்கரத்தில் சுழன்றிட
உன் காதல் மட்டும் மரத்தாணி போல்
மனதினில் என்றும் பசுமையாய் வானவில்
கோலம் போடுகின்றது....

!!** பிறந்த நாள் வாழ்த்துக்கள் அம்மா **!!

ஓவ்வொரு விடியலும்
சாதரணாமவே மலர்கின்றன...

பூக்களின் வாசனையில்
குயில்களின் இன்னிசையில்...

ஆனால் இன்றைய விடியலில்
எனக்கொர் ஆனந்தம்..

நான் இவ்வுலகைக் காண
உயிரை தூசென நினனத்து
என்னை கண்திறக்கை வைத்திட்ட
என் அன்னை பிறந்திட்ட திருநாள்...

நாட்கள் நகர வந்து போகும்
ஓவ்வொரு வருடமும்
நானும் புதிதாய் பிறக்கின்றேன்
என் அன்னையோடு...

ஆசையோடு தேடியலைந்து வாங்கிச்
சேமித்த பரிசில்களோடு காத்திருக்கிறேன்
அன்னையே உன் வருகைக்காய்
என் கனவுகள் - உன்
நிஜத்தோடு சேர்கையில்
என் நினைவுப் பொருளும்
உன் மடி சேர்ந்திடும்
என்றாவது ஓருநாள்...

காத்திருக்கிறேன் கண்களில்
ஆவலோடு
மனதினில் ஆசையோடு....

இனிய பிறந்த நாள் வாழ்த்துக்கள் அம்மா

I Love U so Much அம்மா

!!** உனக்கு நான் **!!

உன் வலிகளை
அழகிய சிற்பமாக்கி
இன்பத்தை பரிசளித்திடும்
உளி நான் உனக்கு...!

வலிகளில் முத்தெடுத்து
இன்பக் கடலினிலே
அடித்துச் செல்லும்
அலை நான் உனக்கு...!

!!** உயிர்ப்புள்ளி **!!

வலியே நீயென
என்னை விலக்குகிறாய்
உயிரே நீயென

உன்னை பூட்டுகிறேன்..

கண்ணீரென என்னை

ஓதுக்குகிறாய்

என் கண்ணே நீயென

அணைக்கின்றேன்...

என் துன்பம் நீயென

வெறுக்கிறாய்
என் இன்பமே நீயென
அழைக்கிறேன்...

என் வாழ்வின் கரும்புள்ளி

நீயென கூறுகிறாய்
அன்பே என் வாழ்வின்

உயிர்ப்புள்ளி நீயல்லவா..!

!! ** துடிக்கின்றேன் **!!

நீ சிரிக்கின்றாய்
நான் அழுகின்றேன்...

உன் வாழ்க்கைப் பாதை
வழியே திரும்புகின்றது
என் விழிப் பயணம்...

என்னை நீ அழைகின்றாய்
நான் வருகின்றேன்
உயிரை நீ பறிக்கின்றாய்
நான் துடிக்கின்றேன்...

!!** காதலின் பரிதவிப்பு **!!

கண்களுக்குள் ஏன் நுழைந்தாய்
உயிரினில் ஏன் கலந்தாய்
இதயத்தை ஏன் தவிக்க வைத்தாய்...

என் கண்கள் வழி தோன்றிடும்
காட்சிகளால் தண்டனை அடைவது
இதயமல்லவா....

கண் மூடினால் இமை முட்டிடும்
உன் நினைவுகளில் உயிர்
சிக்கித் தவிக்கிறது - உடலோ
விம்மித் தவிக்கிறது....

!! ** காதல் ரோஜா **!!

என் கனவுகளுக்கு
முடிவேயில்லை சுவாசமாய்
உன் நினைவுகளை
நான் சுவாசிப்பதால்..!

நிஜத்தினில் கண்ணீர்
வடித்திடும் என்
காதல் ரோஜா
நினைவினில் ராகம்
இசைக்கையில் துளிர்த்திடும்
என் வதன முகம்..!

கண்களுக்குள் ஆயிரமாயிரம்
கனவுகள் அதன் காட்சிப் பிம்பம்
உன் தேன் சிந்தும் முகம்..!

வண்டென உன் வாசனை
நான் முகர்ந்திடுவேன்
என்னுள் உன்னை கலந்திடுவேன்
நினைவாலே..!

!! உன் நினைவுகள் !!

குளிக்கையில் நனைந்திடும்

உடலோடு நனைந்திடும்

மனம் உன் நினைவுகளில்...!

கனவாக நீ வந்தாலும்

கலையாமல் என்றும்

என்னோடு சுவாசித்திடும்

உன் நினைவுகள்...!

உறங்கினாலும் உறங்கிடாத

நினைவுகளில் நீந்திடும்

என் விழிகளில் தேங்கிடும்

கண்ணீர் உன் நினைவுகள்...!

!!** நினைவுகள் **!!

விழித்திருக்கையில் தென்றலாய்

தழுவி உறங்குகையில்

கனவென மாறி

என்னை அணைத்திடும்

உன் நினைவுள்....!!

!!** நினைவாலே **!!

கனவாக நீ

போனாலும் நினைவாலே

உன்னோடு என்றென்றும்

வாழ்ந்திடுவேன்

!!** நீ **!!

வெட்ட வெளி வானம் பார்த்து
வெறுமையை வெறித்தவள்

வாழ்க்கையில்
வானவில்லென மாறி

மாற்றத்தை

ஏற்படுத்தியவள் நீ

!!** தோழியே **!!

தோழியே உன் தோழோடு
தோள் சாய்ந்து நிலவின் ஒளியில்
உன் செல்லச் சிரிப்போடு
இரண்டறக் கலந்திட
ஆசையடி

!!** என் கனவுகள் **!!

வெட்ட வெளிவானத்தில்

நிலவோடு துணையாக

என் கனவுகள் - உன்

நினைவுகளோடு உலாவுகையில்

எட்டி நின்று பார்க்கின்றது

நட்சத்திரங்களோடு இமையோர

கண்ணீர்த் துளிகளும்......

!!** விடைதேடி **!!

விடியும் விடியலில்
ஓளி வீசுமா வாழ்வு
விடை காணமுடியா
கேள்விகளுடன் விழித்திருக்கிறது
விழிகள் விடைகள் தேடி.....

!!** இன்னோர் இதயம் **!!

பாடல்கள் கேட்கையில்
மென்மையாய் இதயத்தை
வருடிடும் உன் மென்குரலில்
விக்கித்தான் போகின்றேன்
நான்...

உன்னை விட என்னையெனக்கு
பிடிக்கும் அன்பே - நீயாக
நானிருப்பதால்....

என் இதய அறைகளில்
நிரம்பி வழியும்
உன் நினைவுகளை
சேமித்து வைப்பதற்காய் இன்னோர்
இதயத்தை யாசிக்கின்றேன்
இறைவனிடம்....

!!** மெளனம் கலைக்காயோ **!!

மதம் கொண்ட யானையென
எனதன்பை உன் மெளனம்
மிதித்துச் சிதைக்கின்றதே...

உன் மெளனத்தால் துடிதுடிக்கும்

என் உயிரின் வலியை கலைந்திட

உன் மெளனம் கலைப்பாயா...

உடலோடு ஊடலென்ன
சொல் உயிரே - நீ இன்றி
இங்கு ஓர் அணுவும்

அசையாதே அறியாயோ நீ...

!!** வலி **!!

பேச யாருமில்லாத போது
நினைவுகளே துணையாகி
வலிகளைச் சுமக்கின்றேன்...

காதல்

இதயத்தில் நுழைந்து
துன்பத்தில் கலந்து
இன்பத்தைத் தந்து
இமைகளின் ஓரத்தினிலே
கண்ணீர்த் துளியென
துளிர் விட்டு - உயிரினில்
இதமாய் உறங்கி - என்
உறக்கத்தைக் கலைக்கின்றதே.....

!! கனவே..!!

கனவுக்குள் கனவென
தோன்றிடும் - அவன்
நினைவுகளில் 

மலர்ந்திடும் - என் 

இன்பங்கள் அனைத்தும் 

விடியலில் கனவாகிப் 

போகின்றனவே..!

கண்களில் 

தவழ்ந்திடும் 

கனவுகளே.., 

நிஜங்களில் 

தவழ்ந்திட 

மாட்டாயா..!

ஆயுள் வரை 

வலி கொண்டு
உயிர் போக்கிடும் 

அவன் நினைவுகளை
கரைத்திட மாட்டாயா
கனவே..!

(((~_~))) என் கனவுகள் (((~_~)))

என் ஆசைகளோடு
போட்டி போடும்
அன்னையில் ஆசைகளில்
நிராசையாய் போய்விடுமா
என் காதல் - காலத்தின்
கோலத்தில் கண்ணீர்க் கோடுகளில்
கரைந்திடுமா என் கனவுகள்....

என் இதயம்

உன் இதயத்தோடு - என்
இதயத்தைப் வைத்துப் பூட்டிவிடு
உன்னை விட்டுப் பிரிய நேர்ந்தால்
துடிப்பதை நிறுத்திவிடும் - என்
இதயம்

=== காதலுடன் ===

இருளினில் தனிமையை கரைத்து
தனிமையில் நினைவுகளைக் எரித்து
கண்ணீருக்குள் சங்கமிக்கின்றேன்
காதலுடன்...

!!! பிரிவால் கூட முடியாதம்மா !!!

பிரியாமல் இருப்பதற்காய்
பிரிவை யாசிக்கின்றாய்
பிரிவால் கூட முடியாதம்மா
என்னிடம் இருந்து உன்னை
பிரிப்பதற்கு....

~~ பூ நான் ~~

உன் வதன முகத்தில்

தவழ்ந்திடும் புன்னகையில்

பூத்திருக்கும் பூ நான்....

வாடாமல் காத்திடுவாய்

உன் இன்பத்தை நீராய்

ஊற்றியென்னை...

~~~~~ பூவென ~~~~~~

அந்தி மாலை வேளையில்
ஆர்ப்பாரிக்கும் அலைகளுக்கிடையில்
அலைபாய்ந்திடும் மனதினை
கடிவாளமிட்டிடும் உன் நினைவுகளில்
நனைந்து தான் போகின்றேன் பூவென

***** வெண்ணிலா *****

ஆயிரமாயிரம் நட்சத்திரங்களுக்கிடையே
இருளை பகலென மாற்றிடும்
வெண்ணிலா தனிமையில் கரைவதை
கண்டுகொள்ள யாருமில்லை.....

### வானமென ###

வானமென நினைத்து பூரித்தேன்
எட்டமுடியா உயரத்தில் - நீ
இருப்பதை அறியாமல்...

*** எட்டாக் கனி ***

எட்டாய்க் கனியாய்
போய்விட்ட பாசத்தை
எட்டி நின்று 

ரசிக்கின்றேன்
ருசிக்க முடியாமல்...!

!!! நினைவுகள் !!!

நினைக்கின்ற போது
வலித்திடும்
வலிக்கின்ற போது
இனித்திடும் நினைவுகள்....

!!! மழைத்துளி !!!

துளித்துளியென கொட்டிடும்
மழையினில் துளிர்த்திடும்
உன் ஞாபகச் சிதறல்களில்
துடித்துப் போகின்றேன் நான்...

!!! ~~~ உறவாடிடும் ~~~!!!

உன் பிரிவில் உணர்ந்தேன்
வலியின் வலிமை....

உன் நினைவில் கண்டேன்
என்னுயிரின் தவிப்பை...

உன் நிழல்களைக்
கடந்து செல்கையில்
நனைந்து போகின்றது
என்னிரு விழிகள்.....

பாறையென இருந்தேன்
மணல்த்துளியாய் சிதறடித்தாய்....

உன்னில் நான் கண்ட அன்பு
என்னில் நீ கொண்ட பந்தம்
விழி மூடித் திறக்கும் வரை
எனக்குள் இசை மீட்டிடும்
மூடிய விழிகள் திறக்காவிடின்
கல்லறையில் என் ஆன்மாவோ
உறவாடிடும்....

!! உயிரோட்டமாய் !!

கரைந்தோடும் 

நிமிடங்கள்
அனைத்திலும் 

உயிரோட்டமாய்
நீ இருப்பதால்
கண்ணீரில் 

கரைகின்றது
வாழ்க்கை...!

๑۩۞۩๑ மணல் ஓவியம் ๑۩۞۩๑

கண்களில் தெரிந்திடும்
காதலை வார்த்தைகளில்
தேடித் தேடி அலைகின்றேன்
மணல் ஓவியமென கலைந்து
போகின்றேன்......

~~~ !! கண்ணீராய் !!~~~

இருளைப் போக்கிட
நிலவாய் தேய்கின்றேன்..

இன்பத்தைச் சூடிட

துன்பத்தை கண்ணீராய்
கரைகின்றேன்....

(¯`·.♥ ஓருயிராய் ♥.·´¯)

உயிரைத் திறந்து

உணர்வைக் கலந்து

உனக்குள் கலக்கின்றேன்

ஓர் உயிராய்

உனக்குள் கலந்த மெளனம்

உனக்குள் கலந்த

மெளனம் என்
புன்னகையில் நுழைந்து

கண்களின் வழியே

கண்ணீராய் வருகின்றது.....

~~ உன்னாலே ~~

மேகத்தோடு தென்றல் உலாவுகையில்
உருப்பெறும் ஓவியத்தை தென்றலே
அழிப்பது போல்
உன்னால் எனக்குள்
உருப்பெற்ற அன்பு
உன்னாலே அடித்துச் செல்லப்பட்டது
என் உயிரினில் இருந்து.....

இதயம்

மேகங்களோடு ஓடிப்பிடித்து
விளையாடிடும் வெண்மதியை
கண்சிமிட்டிப் பார்த்திடும்
நட்சத்திரங்கள் போல்
உன் உயிரோடு என் உயிர்
கண்ணாமூச்சியாடுவதை - எம்
இதயம் துடிதுடிப்போடு பார்த்து
ரசிக்கின்றது....

காயம்

நீ தந்து விட்டுச் சென்ற
நினைவுச் சின்னங்கள்
இதயத்தை கீறிச் சென்றிட
கண்கள் கண்ணீரை தூதனுப்ப
உயிர் வலியினில் துடிக்கின்றது...

எனதுயிரை

இமை மூடும் வேளையிலும்

கண் சிமிட்டிடும் - உன்

நினைவுகள் இசை மீட்டிச்

செல்கின்றன எனதுயிரை