எனக்கு வலி
என்பதை யாருமே
கொடுக்கவில்லை - நானே
என் இதயத்தை
காயப்படுத்தினேன்..!
எனை யாரும்
வெறுக்கவில்லை
நான் தான் அவனை
விரும்பினேன்
எனவே எல்லா
வலிகளையும் நானே
ஏற்றுக் கொள்கின்றேன்..!
காதலிப்பவர்கள்
எல்லோரும் சேர்ந்து
வாழ்வதில்லை
சேர்ந்து வாழ
முடியாதென்று
தெரிந்தும் காதலிக்கும்
இவளை பைத்தியம்
என்று சொல்லாமல்
வேறு எப்படி
சொல்வார்கள்..!
உண்மையில்லாத
காதலின் பிரிவு
ஒருபோதும் வலியை
கொடுக்காது - ஆனால்
சில தூய்மையான
உண்மையான காதல்
என்றுமே கண்ணீருடனே
பயணிக்கின்றது..!
வாழ்க்கை எனக்கு
கற்றுக் கொடுத்த பாடம்
யாருக்காவது பாரமாக
இருந்தேயேயானால்
அவர்களை விட்டு
தூரமாக போய்விடுவதே
நன்று..!
கூடவே இருந்து
அவர்களுக்கு
தொல்லையாக
இருப்பதை விட
விலகி விடுதல்
நன்று..!
மனக்கஷ்டங்களுடன்
உன்னை விட்டு பிரிய
எனக்கு விருப்பமுமில்லை
பிடிக்கவுமில்லை - நீயே
உன்னை விட்டு விலக
சொல்லமுன் நானே
விலகிவிடுதல்
நன்று..!
நான் கனவிலும்
நினைக்காத ஒன்று
எனதாக நினைத்த
நீ கனவாகி
போனதே..!
கனவாகிப் போன
நீ என்னருகில்
இல்லையென்றாலும்
உன் நினைவுகளை
அணைத்திடுவேன்..!
கருவென சுமக்கிறேன்
காதலை நெஞ்சினில்
கானல் நீரைப்போல்
தூரத்தில் இருக்கும்
உன்னை..!
உயிருடன் கலந்த
உன்னை அந்தளவுக்கு
காதலித்து விட்டேன்
வாழ்க்கையில்
இன்னொரு காதல்
வரப்போவதும் இல்லை
வரத் தேவையும் இல்லை..!
விரும்பியவரை
இதயத்திலிருந்து
தூக்கியெறிவதென்பது
பறவையின்
இறக்கையினை
உடைத்து அதை
பறக்கச் சொல்வது
போன்றதே..!
உனக்கு என்னை
பிடித்தாலும்
பிடிக்கவில்லை
என்றாலும் - உன்
சோகங்களை
ஆற்றும் மருந்தாக
இருக்க என்றாலும்
எனக்கு அனுமதி
அளிப்பாயா..!
வாழ்க்கை முழுவதும்
பெரிய ஆசை என்று
ஒன்றும் இல்லை - ஆனால்
பெரிதாக ஒன்றை
மட்டும் நேசித்தேன்
அதுவே காதல் என்ற
அர்த்தத்தை புரிய
வைத்த முதல்
காதல்..!
மெய்யாக நேசித்த
உன்னை பொய்யாக
விலக நினைத்தேன்
ஆனால் இன்னும்
அதிகமாக உன்மேல்
நேசம் வைத்து விட்டேன்
என் இதயத்தில்
குடியேறிய உன்
நினைவுகளால்..!
உன்னை உண்மையாக
நேசித்தேன் - அதை
இனியும் உன்னிடம்
எப்படி புரிய வைப்பது..,
என் காயங்கள்
எல்லாம் என்னுடனே
போகட்டும் - இனியும்
புரியவைக்க
விருப்பமுமில்லை
உன்னை தொல்லை
கொடுக்கும் எண்ணமும்
எனக்கில்லை..!
இத்தனை வருட
என் காதலுக்கு
நீ கொடுத்த
புதுப் பெயர்
முள்ளாய் நெஞ்சில்
குத்தினாலும் - உன்
மனதில் என்ன
உள்ளதென்பதை
தெளிவாக கூறினாயே
போதுமெனக்கு..!
என் காதல் உனக்கு
குப்பைத் தொட்டி
போன்று உள்ளதென்றால்
பரவாயில்லை - உன்மேல்
காதல் கொள்ள
பூந்தொட்டியொன்று
உள்ளது என்பதால் - நான்
நீ கொடுத்த புதுப் பெயரை
ஏற்றுக் கொள்கின்றேன்..!
கனவுகள் தந்தாய்
உன்னால் கனவினில்
வாழவும் பழகினேன் - ஆனால்
தேடி வந்து கனவை
நிஜமாக்கி இன்று
மீண்டும் கனவையே
தந்து விட்டாய்..!
காதலில் தோற்றவர்கள்
எல்லோருமே காதலை
மறந்து வாழவில்லை
மனதுக்குள் மறைத்து
வாழ்கிறார்கள்..!
என்னுள் விதைத்த
உன்மீதான காதலுக்கு
என் கண்ணீர் தான்
தண்ணீர் - ஆனாலும்
உன்மேல் கொண்ட
பேரன்பால் தண்ணீர்
கூட பன்னீரே..!
பாசத்தை பலவீனமாக
எடை போடாதீர்கள்
உண்மையாக ஒருவரை
நேசித்தால் - எங்கு
இருந்தாலும் அவருடைய
சந்தோசத்தை
பார்த்து நிம்மதியுடன்
வாழும் ஒரே ஜீவன்
வைக்கும் உண்மையான
பாசம் என்றுமே
பொய்யாகாது..!
எந்தவொரு எதிர்பார்ப்பும்
இல்லாமல் ஒருவர் மேல்
வைக்கும் அதீத
பாசம் எல்லோருக்குமே
கிடைக்காது..!
எதிர்பார்ப்பே இல்லாமல்
ஒருவரை உயிராக
நேசிப்பதென்பதும்
வாழ்க்கையில் கிடைக்கும்
பொக்கிஷங்களே
அந்தவகையில்
நானும் ஒரு
அதிர்ஸ்டசாலிதான்..!
உனை இவ்வளவுதான்
பிடிக்குமென்று
அளந்து கூற
தெரியாது - என்
காதலின் ஆழத்தை
உனக்கு புரிய
வைக்க என்
உயிரைத்தான்
இழக்க வேண்டினாலும்
உனக்காக அதையும்
செய்வேன்..!
வலியை புரிந்துகொள்ள
முடியவில்லையெனில்
என் வலி கூட உனக்கு
ஒருபோதும் புரியாது
புரியும்போது - என்
உயிர் இவ்வுலகில்
இருப்பது கூட
நிச்சயமற்றது..!
நான் சந்தோசமாக
இல்லை - என்றாலும்
சிரித்து கொண்டே
இருப்பேன்
மற்றவர்களுக்காக..,
அந்த சிரிப்பில்
யாருக்கும் சந்தேகம்
வந்ததில்லை..!
உறவென்ற ஒன்று
உண்மையில்லாத போது
எத்தனை அர்த்தங்கள்
இருந்தென்ன - இன்னும்
இப்பூமியில் வாழ
வேண்டும் என்ற
ஆசை எண்ணம்
ஒரு துளி கூட
இல்லை - எல்லாமே
எனை விட்டு
எப்போவோ
போய்விட்டது..!
ஆனால் என்னை
அவமதித்தவர்களுக்காகவும்
அழ வைத்தவர்களுக்காகவும்
நான் அழிய வேண்டும்
என நினைத்தவர்களுக்காகவும்
இப்போதைக்கு எங்கும்
போக தயாராக இல்லை..!
விரும்பியவர்களிடம்
எம் விருப்பத்தை கூறாமல்
இருந்ததற்கு காரணமே
அவர்களிடம் இருந்து
தவறான பதில்
கிடைத்து விடுமோ என்றே
மௌனமாக விலகி
நிற்கின்றோம்..!
அந்த விலகலுக்கான
வலி சிறிது காலத்தில்
மறைந்தால்
பரவாயில்லை - ஆனால்
ஆயுளுக்கும் மனதில்
குடிகொண்டு ஆறாத
ரணமாய் ஆகிவிடுகிறது..!
நினைத்தவுடன்
மறப்பதற்கும்
மறந்தவுடன்
நினைப்பதற்கும்
என் காதல் என்ன
வெறும் காவியுடையென
நினைத்தாயா - என்
உயிரில் செதுக்கி
இரத்தத்தில் கலந்த
உறவு நீ..!
என் காதல்
உனக்கு வேடமாக
தெரிந்தால் - என்
நாடகம் முடியும் வரை
நீயே அதில் என் நாயகன்
என் அன்பு உனக்கு
தொல்லை தரலாம் - ஆனால்
என்றும் துயரம்
கொடுக்காது..!
என் காதல் உண்மை
என் நேசம் உண்மை
என் வார்த்தைகள் உண்மை
என் மனம் உண்மை
என் கனவு உண்மை
நீயே என் முதல்
காதல் - அதுவே
என் முடிவில்லா
காதலும்..!
உனை அதிகமாக
நேசித்தேன் - நேசிப்பேன்
நீ எனை எவ்வளவு
காயப்படுத்தினாலும்
என் நேசம் எப்பொழுதும்
மாறாது..!
உன்னிடம் நான் நேற்று
பொய் உரைத்தேன் என
நீ எனை தவறாக
நினைத்தால் - நான்
என்ன செய்வேன்..!
இதயம் ஒரு
வாடகை வீடு
அல்லவே - அது
நினைவுகள் புதைக்கப்பட்ட
கல்லறை - உன்
நினைவுகளை என்றுமே
அழியாத பொக்கிஷங்களாக
என் மனதில் சிறை
வைத்துள்ளேன் - அதற்கு
உன் அனுமதி
தேவையில்லை - உன்
நினைவுகளை யாராலும்
என் மனதில் இருந்து
திருட முடியாது..!
காலம் கடந்து
காதலை சொல்வதால்
மிஞ்சுவது என்னவோ
வலி ஒன்றே - அதை
நீயே கொடுப்பாயானால்
நான் என்ன செய்வேன்..!
நீ ஆரம்பத்தில்
என்னிடம் பேசியதற்கும்
இப்பொழுது என்னிடம்
பேசும்போதும் உள்ள
வித்தியாசம் எனக்கு
புரியும் - உன்
மனதில் என்ன உள்ளதென்று
எனக்கு தெரியாது - ஆனால்
எனை விட்டு விலக
நினைக்கின்றாய் என்று
மட்டும் அறிவேன்..!
நான் நன்கு அறிவேன்
எனை உனக்கு
பிடிக்கவில்லையென்று
அதற்கான காரணம்
கேட்டு கூட இனிமேல்
உனை தொல்லை
செய்வதாக இல்லை
இனியும் உனை
கஸ்ரப்படுத்த எனக்கு
விருப்பமும் இல்லை..!
உனை நான் எப்பொழுதும்
கஸ்ரப்படுத்த மாட்டேன்
நானே உனை விட்டு
போய் விடுகின்றேன்
என்னால் தான் உனக்கு
கஸ்ரம் என்றால் - அந்த
வலியை கூட உனக்கு
கொடுக்க மாட்டேன்..!
ஆரம்பத்தில் இருப்பது போல்
கடைசி வரை எவருமே
எம்முடன் வருவதில்லை
இது தான் உண்மை - இதை
உணராமல் அளவுக்கதிகமாக
நேசத்தை வைத்து
இறுதியில் மிஞ்சுவது
வலி ஒன்றே..!
வலியில் இருந்தாலும்
என் மனதில் - உன்
நினைவுகள் என்றுமே
சுகமானது - உன்னிடம்
பொய்யுரைக்க
எனக்கு ஒன்றும்
அவசியமில்லை - ஆனால்
நீ எனை இவ்வளவு தான்
புரிந்து வைத்துள்ளாய் என
நினைக்கையில் மனதில்
வலி ஒன்றை தவிர
வேறெதுவும் இல்லை..!
உனைத் தவிர
யாரையும் பின்
தொடரவில்லை
தூரமாக நீ நின்றால்
மட்டுமே உனை இமை
மூடாமல் பார்த்து
ரசிப்பேன் - ஆனால்
அருகில் நீ நின்றால்
நான் இருக்கும்
இடம் தெரியாமல்
மறைந்து விடுவேன்..!
உன் நினைவுகளோடு
மயங்கினேன் - என்
காதலை சொல்ல
தயங்கினேன் - உன்
ஞாபகங்கள் அனைத்தும்
பொக்கிஷங்களாக
என் மனதில்
சிறை வைத்துள்ளேன்..!
அன்று தொடக்கம்
இன்றுவரை இனிமேலும்
உயிர் இருக்கும் வரை
உன்னை காதலிப்பேன்
உண்மையான காதலின்
பிரிவு என்பது
மரணத்தில் மட்டுமே
அந்நாள் உன்
நினைவுகளை மட்டும்
எடுத்துச் செல்வேன்
இவ்வுலகை விட்டு..!
நீ சந்தோசமாக இருப்பதை
பார்ப்பதை விட எனக்கு
எந்த ஆசையும் கிடையாது
உன் கோபத்தை
கவனிப்பதை தவிர
எனக்கு வேறு ரசனையும்
கிடையாது - நான்
சாகும் வரை உன்னை
மனதார காதலிப்பதை
தவிர - என் காதலில்
வேறு எந்த
நோக்கமும் இல்லை..!
ஒரு நொடியேனும்
உன்னுடன் பேச மாட்டேனா
என தவித்த நாட்களோ
வருடக்கணக்கு - ஆனால்
இன்று மணிக்கணக்காய்
உன்னோடு பேசும்
பாக்கியம் கிடைத்தது
என் வாழ்க்கையில்
எனக்கு கிடைத்த
அளப்பரிய பொக்கிஷம்..!
இன்று வரை - உன்னை
என் மனதில் எவ்வளவு
உயரத்தில் வைத்திருக்கிறேன்
தெரியுமா - நீ
உன்னை பற்றி
என்னதான் சொன்னாலும்
என் மனது எப்போதும்
உன்னை நிறைவாகவே
வைத்திருக்கும்..!
உனை நான் எப்பொழுதும்
குறைவாக நினைத்துகூட
பார்ப்பதில்லை - அன்று
என் காதலை உன்னிடம்
கூற முயன்றவேளை
உன் மனதில் வேறொருவர்
இருப்பதை அறிந்து அன்று
தொடக்கம் என் காதல்
உன் கனவுடனேயே
வாழ்ந்து வருகின்றது..!
அன்றிலிருந்தே உனை
தூர இருந்து காதலித்து
வந்த நான் - ஒருவேளை
இன்று உன் சந்தோசத்தை
இல்லாமல் செய்துவிடுவேன்
என்று நினைக்கின்றாயா..!
அப்படி ஒரு எண்ணம்
உன் மனதில் இருந்தால்
நேரடியாகவே கூறிவிடு
என் உயிரை கொடுத்தாவது
நீ நினைப்பது தவறு
என்று நிரூபித்து
காட்டுவேன் என்
காதலுக்காக..!
எனை பிடிக்கவில்லை
என்றால் உண்மையாகவே
எனை விட்டு விலகி விடு
சகித்து கொண்டு
தான் உன் அன்பை
நீ கொடுப்பாயானால்
என் இத்தனை வருட
காதல் - ஒரு
கானல் நீர் போலவே
இருந்திருக்கலாம்..!
நான் நன்கு அறிவேன்
உனக்கு என்மீது
அன்பு உள்ளதென்று - உன்
வாழ்க்கை எப்பொழுதும்
சந்தோசமாக இருக்கவே
அன்று தொடக்கம்
உனக்காக பிரார்த்தனை
செய்த நான் இன்று
உன் சந்தோசத்தை
கெடுப்பேன் என
நினைக்கின்றாயா..!
மனதில் எவ்வளவோ
காயங்கள் இருந்தாலும்
சில நினைவுகளே
அதற்கு மருந்தாகவும்
ஆகி விடுகிறது - இனியும்
புரிய வைக்க
விருப்பமில்லை - புரியும்போது
தெரிந்து கொள்வாய்
என் காதலை..,
அதுவே எனக்கு
போதும்..!
ஒவ்வொரு தடவையும்
புரிய வைத்து தான்
என் காதலை
நிரூபிக்க முடியும்
என்றால் - என்
இத்தனை வருட
காதலுக்கே அர்த்தம்
இல்லை..!
உன் மீது வைத்த
அதீத காதலை இன்று
உன்னிடம் கூறியும்
உன்னால் புரிந்து
கொள்ள முடியவில்லை
என்மீது தான் முற்றிலும்
தவறு - உன்னிடம்
என் இத்தனை வருட
தவத்தை சொல்லாமலே
இருந்திருக்கலாம்..!
ஆறுதலுக்காக கூட
உன்னிடம் என் காதலை
கூறியிருக்கவே கூடாது
இன்று நான் என் காதலை
தெரியப்படுத்தி உன்னை
கஷ்ரப்படுத்துவது போல்
ஆகி விட்டதே..!
உன்னிடம் எதிர்பார்ப்பது
உன் காதல் ஒன்றை
மட்டுமே - ஆனால்
நீயே எனைவிட்டு போ
என்று சொல்லாமல்
சொல்லும்போது
நானே உனைவிட்டு
விலகி செல்கிறேன்..!
என்றும் உன்மீது
வைத்திருக்கும் காதலுடன்
என்னால் முடிந்தவரை
உன்னை விட்டு தள்ளியே
நிற்கின்றேன் - இதுவே
உன் விருப்பம்
என்பதால்..!
தேடித் தேடி போய்
கொடுக்க அன்பு
ஒன்றும் கடனல்லவே..,
உண்மையான அன்பு
எச்சூழலிலும்
விட்டுப் போகாது..!
அன்பை உணர்த்த
வார்த்தைகள்
தேவையில்லை
நேசம் என்பது
எந்த எதிர்பார்ப்பும்
அற்றது - சிலரிடம்
மட்டும் தான்
அது நினைவுகளுடன்
வாழ்கின்றது..!
தவிப்பு என்பது
இருவரிடமும்
இருக்க வேண்டும்
அது ஒருவரிடம்
மட்டும் இருந்தால்
முட்டாள் தனமானது..!
உன்னிடம் என் மொத்த
அன்பையும் அள்ளிக்
கொடுப்பேன் - ஆனால்
திணிக்க மாட்டேன்..,
தேடித் தேடி வருவதும்
உன்னிடம் கெஞ்சுவதும்
உன்னை கஸ்ரப்படுத்த
அல்ல - உன்மீது
வைத்த காதலை
வேறொருவரிடம்
வைக்க முடியாமல்
மட்டுமே..!
என் ஆயுள் முழுவதும்
உன்னுடன் வாழ முடியாது
என்றாலும் - உன்னோடு
சில நாட்கள் இருக்க
வாய்ப்பு கொடுத்த
இறைவனுக்கே - என்
மொத்த நன்றிகளும்..!
யாருக்கும் பாரமாக
இருக்க கூடாது
என்பதற்காகவே
தூரமாக போக
ஆசைப்படுகின்றேன்
அங்கு எனக்கு யாரும்
இருக்க மாட்டார்கள் - அது
எனக்கு தெரியும்..,
ஆனால் சில நினைவுகள்
கூட இருக்கும் வரை
நான் தனிமையில்
வாழ்வது எனக்கு
ஒன்றும் கஸ்ரமில்லை..!
எனக்கே தெரியாமல்
என்னுள் தோன்றிய
முதல் காதல் நீ
கடைசி வரை உன் கரம்
பிடித்தே இருக்க
ஆசைப்பட்டேன் - ஆனால்
கடைசி வரை என்
காதலைக் கூட சொல்ல
முடியவில்லை..!
நீ எனக்கில்லை
இது தான் நிஜம் - ஆனால்
நீ என்னருகில்
எனக்காக இல்லை
என்றாலும் - கற்பனையில்
உன் காதலோடு வாழ்ந்து
கொண்டிருப்பேன்
எந்நாளும்..!
அன்று உன்மேல் கொண்ட
காதலை நீ அறியவில்லை
இன்றோ நீ அறிவாய்
அந்த ஒரு சந்தோசம்
மட்டுமே போதும் - என்
வாழ்க்கை முழுதும்
உன் நினைவுகளுடனே
வாழ்ந்திடுவேன்..!
எவர் முன்பும்
அழ தெரியாது - என்
சோகங்கள் அனைத்தையும்
நெஞ்சுக்குள்ளே வைத்து
வாழ்ந்து கொண்டிருகிறேன்..!
வாழ்க்கையில் நான்
இழந்தவைகளோ பல..,
ஆசைப்பட்ட எதையும்
வாய்விட்டு கூறக் கூட
எனக்கு முடியவில்லை
அன்று கோழையாக
இருந்ததனால் தான்
என்னவோ இன்று
இத்தனை வலிகளையும்
நெஞ்சோடு சுமந்து
வாழ்கின்றேன்..!
என் கண்ணீரை
காட்டிதான் - உன்
காதலை பெற
முடியுமேயானால் அந்த
காதலே எனக்கு
வேண்டாம் - நீ
என்றோ ஒரு நாள்
என் காதலை
புரிந்து கொள்வாய்
என்ற நம்பிக்கையில்..!
காலங்கள் கடந்தாலும்
உன்னிடம் என்
காதலை கூற
எவ்வளவோ முயற்சித்தேன்
ஆனால் அன்று
உன்னுடன் சேர்ந்திடுவனோ
என்று விதிக்கு கூட
பிடிக்கவில்லை போல..!
பலருடைய முதல் காதல்
முடிந்தாலும் அதற்கு
முற்றுப்புள்ளி
கிடையவே கிடையாது
முதல் காதல் என்றுமே
ஒரு பொக்கிஷம் - அதை
யாராலும் எந்தவொரு
சூழ்நிலையிலும்
மாற்றவும் முடியாது
மறக்கவும் முடியாது..!
உனை நேசிப்பதற்கு
ஒரே ஒரு காரணம் தான்
எந்த காரணமுமே
இல்லாமல் - உனை
நேசித்தேன் அந்தவொரு
நேசத்துடன் என்றும்
காதலிப்பேன் - உனை
உயிராக..!
காலங்கள் கடந்து தான்
போனாலும் என்றுமே
மறக்க முடியாத
உன் நினைவுகளை
மனதிலிருந்து
அழிக்கவும் முடியாது
மறக்கவும் முடியாது..!
முதல் பார்வையிலே
மனதில் நுழைந்த
உன்னை - என்
இதயம் தொட்ட
உன் நினைவுகளை
மறப்பேனேயானால்
அன்று தான் என்
இறுதி நாளாக
இருக்கும்..!
உனை பார்க்கும் போது
நான் மறந்தது என்னை
மட்டுமல்ல - உன்னிடம்
சொல்ல துடித்த என்
காதலையும் தான்..!
காதலை சொல்வதற்கு
வார்த்தைகள்
தேவை - ஆனால்
காதலை உணர்த்துவதற்கு
கண்களே போதுமென்று
இருந்தேன் - அன்று கூட
என் காதல் உனக்கு
புரியவில்லையே..!
காரணமே இன்றி
உனைக் காதலித்து
விட்டேன் - இதுவரை
ஏன் எனும் காரணத்தை
தேடவும் முயற்சிக்கவில்லை
அதனாலோ என்னவோ
இத்தனை வருடங்களாகியும்
உன் மேல் கொண்ட
காதல் மாறவும் இல்லை
குறையவும் இல்லை..!
உனை பார்க்கும்
போதெல்லாம் பேச
நினைத்ததை விட
பேச மறந்ததே
அதிகம்..!
அந்த நிமிடங்களில்
மறந்த ஒவ்வொன்றும்
உன் ஞாபகங்களாக
என்னோடே வாழ்ந்து
கொண்டேயிருக்கும்..!
நாம் சேர்ந்து வாழ
வாய்ப்பு இல்லாமல்
போனாலும் - உன்
நினைவுகளை
என்னிடம் இருந்து
யாராலும் பறிக்க
முடியாதுடா..!
எவரையும் வருத்திவிட
கூடாது - இதற்காகவே
நான் நன்றாக
நடித்து கொண்டிருக்கிறேன்
வேதனைகளை வெளியே
காட்டி மற்றவர்களுக்கு
புரிய வைப்பதால்
மட்டும் என்னவாகிடும்..!
எல்லோரிடமும் சிரித்து
சந்தோசமாக இருப்பதை
போல காட்டிக் கொண்டு
என் வாழ்க்கையை
நகர்த்துகின்றேன் - ஆனால்
தனிமை என்று வரும்போது
எல்லாவற்றிற்கும்
சேர்த்து மொத்தமாக
அழுகின்றேன்..!
உனை நேசித்த
மனதால் வேறு
எதையும் நேசிக்க
முடியவில்லை
உனை நினைக்கவும்
முடியாமல் மறக்கவும்
முடியாமல் தவிக்கிறேன்..!
வெறுப்போரை விரட்டிப்
பிடிப்பது தவறு - இது
என் புத்திக்கு
தெரிந்தாலும் இதயத்திற்கு
தெரியவில்லையே..!
முதல் காதல் எப்போதும்
தொலைவதும் இல்லை
முடிவதும் இல்லை
நான் இத்தனை
வருடங்களாக தேடிய
பொக்கிஷம் நீ..,
மீண்டும் கிடைத்தாய்
எனக்கு - ஆனால்
நிஜமான உனை
இனி மீண்டும்
நிழலாக கனவுடனே
காதலிப்பேன்..!
காதலை சொல்லாமலே
உன் நிழலோடு
வாழ்ந்திருக்கலாம் - ஆனால்
இன்று உன் நிராகரிப்பு
என் மனதை முள்ளாய்
குத்துகையில் உனக்கு
அதுவே இன்பம்
என்றால் உன்
சந்தோசமே என்
சந்தோசம் என வாழும்
என்னை நீ எவ்வளவு
வேண்டும் என்றாலும்
காயப்படுத்து..!
என் அதிக
எதிர்பார்ப்பு
உன் அதிக
நிராகரிப்பு - என்
அன்பு புரியவில்லை
என்றால்
விளக்குவதை விட
விலகுவதே மேல்..!
நான் தேடி தேடி
வந்து பேசுவதனால்
அதற்கு நீ தரும் பரிசு
வேதனை மட்டுமே..!
வேண்டாம் என
நிராகரிக்கும் உறவை
மீண்டும் மீண்டும்
தொல்லை பண்ணுவதனால்
மட்டும் உண்மை அன்பு
அவர்களுக்கு புரியுமா..!
பாரமாக உன்னருகில்
இருப்பதை விட
எங்கேயும் தொலைந்தால்
உனக்கு அது தான்
நிம்மதி என்றால்
உனக்காக அதையும்
செய்வேன்..!
புரிதல் ஒன்றே
அன்பை உணர்த்தும்
ஆனால் அதுவே
இல்லையென்றால்
வாழ்வதில் கூட
அர்த்தமில்லை..!
பார்க்காமல் இருக்க
கண்கள் பழகிக்
கொள்ளலாம்..,
பேசாமல் இருக்க
உதடுகள் பழகிக்
கொள்ளலாம் - ஆனால்
நினைக்காமல் இருக்க
இதயம் பழகிக்
கொள்ளவில்லையே..!
உண்மைக் காதலின்
எதிர்பார்ப்பு அன்பு
ஒன்றே - ஆனாலும்
உண்மைக் காதலில்
கிடைக்கும் பரிசே
கண்ணீர் தான்..!
அன்று நீ தூரத்தில்
இருந்தாலும் என்
அருகிலேயே இருப்பது
போல் உணர்ந்தேன் - ஆனால்
இன்று அருகில் இருந்தும்
நீ எனக்கில்லை
என தெரிந்தும்
என் மனதில் நீங்காத
இடம் உனக்கு
மட்டும் தான்..!
என் காதலை புரிய
வைப்பதாய் சொல்லி
இனியும் உனை
தொல்லை செய்ய
மாட்டேன் - என்றாவது
எனை நீ புரிந்து
கொள்வாய் என்ற
நம்பிக்கையில்..!
உன்னிடம் கெஞ்ச
வைக்கும் கோபமே
தனி அழகு - உன்
அன்போ பேரழகு
என் காதலோ
அத்தனை அழகு..!
முன்பை விட
உன்னிடம் அதிக
நெருக்கமான - நான்
முதல் காதல் வைத்த
உன் உறவில்
சிக்கித் தவிக்கும்
என் காதலோ
தனி அழகு..!
பிரிவு நிரந்தரமில்லை
உணர்ந்தேன் உனைக்
கண்டதும் - ஆனால்
உனை பிரிந்திருந்த
அத்தனை வருடங்களும்
நான் அதிகமாக
வெறுக்கும்
வருடங்களே..!
உனைக் காதலிக்க
ஆரம்பித்த போது
யாராகவோ இருந்த - நீ
இன்று யாவுமாய் என்
கண் முன்னே
நிற்கின்றாய் - உனை
இனியும் தொலைத்தால்
நான் என்ன
செய்வேன்
அன்பே..!
உண்மைக் காதல்
மனதில் இருந்தாலே
போதுமே - நாம்
பார்த்து கொள்ளாவிட்டாலும்
மனதினுள் நம் காதல்
உயிராய் வாழ்ந்து
கொண்டேயிருக்கும்..!
உன் பெயரை கூறி
சிலிர்க்கும் இன்பமே
போதுமடா - இறந்தாலும்
மீண்டும் பிழைப்பேன்..!
உண்மையாய் உயிராய்
காதலித்துவிட்டு
வெளியே சொல்லவும்
முடியாமல் - காதலித்தவனை
மறக்கவும் முடியாமல்
தினமும் பொய்யாக
வாழும் வாழ்க்கை
நரகமே..!
அன்று தனிமையில்
பேசி சிரிக்க வைத்த
காதல் - இன்று
தனிமையை தேடி தந்து
அழ வைக்கிறது..!
பிடித்தவர்கள் மீது
வைத்திருக்கும் அதீத
அன்பு கூட சில
நேரங்களில்
கோபமாக தான்
வெளிப்படும்..!
அன்பு வைத்த
நெஞ்சங்களுக்கு தான்
தெரியும் பிரிவின் வலி
என்னவென்று - பயணங்கள்
முடிந்து போனாலும்
நீ நடக்கும் பாதையில்
உன் நிழலாக தொடர
இடமளிப்பாயா
என்னுயிரே..!
உன்னருகே வாழ்நாள்
முழுவதும் இருக்க
ஆசைப்பட்ட இவள் - இன்று
யாரோ ஒருவர் இருப்பதை
பார்க்கும்போது மனது
வலித்தாலும் - உன்
மனதில் இடம் பிடித்த
அவளே அதிர்ஸ்டசாலி..!
உனை இழந்த போது
வந்த கண்ணீரை விட
உனை இழந்து விட
கூடாதென நினைக்கும் போது
வரும் கண்ணீருக்கே
வலி அதிகம்..!
கள்ளத்தனமாய் கவனித்தேன்
அந்நாளில் - உனைக்
கண்டும் காணாதவளாய்
பாசாங்கு செய்தேன்..,
அதுவே உனை
காணாதவாறு ஏங்க
வைத்த சாபக்கேடா..!
நானின்றி உன்னால்
சந்தோசமாக இருக்க
முடியும் - ஆனால்
நீ இல்லாமல் போனால்
உன் நினைவுகளே
என்றும் என் சந்தோசம்
உனை என்றும்
சந்தோசமாக பார்த்து
கொள்வேன் - என்
ஆயுள் எல்லை வரை..!
வாழ்க்கை எதுவரையோ
அதுவரை நீ
வேண்டும் என
உன்னிடம் கூறவே
ஆசை - ஆனால்
சொல்ல தெரியவில்லை
வார்த்தைகள்
வரவுமில்லை உனை
காணும்போது..!
இந்த ஆயுள் முழுதும்
உன் காதாலே
என்னோடு - மீண்டும்
ஒரு ஜென்மம்
இருக்குமேயானால்
அதிலும் உனையே
காதல் செய்திடுவேன்
அந்த ஜென்மமாவது
உன்னுடன் வாழ்வதற்கு
பாக்கியம் கிடைக்குமா..!
நீ நடந்து செல்லும்
பாதையில் - உன்
நிழலாக எனினும்
உன்னை தொடர
அனுமதி அளிப்பாயா
என் காதலே..!
உனை உண்மையாக
காதலித்ததாலோ என்னவோ
என் காதல் தோற்றுப்
போனது - ஆனாலும்
உன் மீதுள்ள
காதல் என்றுமே
பொய்யாகவுமில்லை
குறையவுமில்லை..!
பல வருடங்களாக
சேர்த்து வைத்த காதல்
அனைத்தையும் உன்னிடம்
கொட்டித் தீர்க்க
வேண்டுமென்பதே - என்
நீண்ட நாள் கனவு
என் கனவிற்கு முட்டுக்கட்டை
போட்டு விடாதே
அன்பே..!
அன்று தொடங்கியது
இன்றும் தொடர்கிறது
என்றுமே தொடரும் - எம்
முடிவே இல்லாத
காதல்..!
ஆயுள் முழுவதும்
உன்னுடன் வாழ முடியாது
என்றாலும் - உன்னோடு
நானிருந்த நாட்கள்
அனைத்தும் - என்
வாழ்க்கையில்
எனக்கு கிடைத்த
பொக்கிஷங்கள்..!
என் வாழ்க்கையில்
யார் வந்து சென்றாலும்
என் மனது முழுவதும்
என்றும் வாழ்வது நீ
மட்டுமே - உனக்கு
நம்பிக்கை இல்லை
என்றாலும் அது தான்
நிஜம்..!
என்னை விட்டு போகாதே
என்று சொல்லவும்
எனக்கு உரிமையில்லை
நீயே விலகி செல்ல
ஆசைப்பட்டாலும் கூட
உன்னிடம் கெஞ்சி - உன்
காதலை பெற்றுக்
கொள்ளவும் எனக்கு
விருப்பமில்லை..!
என் உண்மைக்காதல்
உனக்கு புரிந்தாலே
போதுமடா - என்
ஜீவன் என்றும்
உன் நினைவுடனே
வாழும் என் ஜென்மம்
முழுவதும்..!
